أكيد واتساب بقى بالنسبة لنا شيء أساسي في حياتنا وبيوفر علينا كتير من الوقت والمجهود. لو عايز حاجة من أي حد ممكن في ثانية تقولها له، بيساعدك في نقل الصور والملفات بسرعة، لو رايح لحد وتايه ممكن تطلب من اللي رايح له يعمل لك Share Location، وطبعًا الجروبز الليعليه بتساعد كتير مع الشغل والصحاب لو بتتكلم في حاجة مع عدد من الناس مش واحد بس.
بس بيجي علينا وقت بنبقى عايزين نهرب من واتساب علشان هو أكتر وسيلة متاحة لكل الناس فساعات بتبقى عايز ما تبقاش متاح إجتماعيًا وتنعزل أو ممكن يبقى واقع لأسباب تكنيكية، ولذلك فيه برامج كتير شبه واتساب، ويمكن أحسن منه كمان وفيهم مميزات زيادة بس واتسابأشهر علشان أقدم وأسهل في الاستخدام. هعرض أشهر البرامج دي ومميزاتهم الزيادة عن واتساب.
اول البرامج دى Viber
يعتبر تاني أشهر برنامج محادثة بعد واتساب عشان بينفع تعمل منه مكالمات ببلاش، بس ناس كتير ساعات بتنسى إن ينفع تعمل من خلاله chatعادي.
الغنى عن التعريف Facebook Messenger
فيسبوك من فترة فصلت Facebook Messenger عن برنامج الفيسبوك العادي علي الموبايل لإنها عايزاه يبقى بديل للواتساب، بتقدر من خلالهتوصل لكل صحابك اللي علي فيسبوك وتعرف مين فيهم Active ومين لأ.
المنافس الاقوى Telegram
برنامج طالع بقوة على الساحة في الفترة الأخيرة علشان موضوع الحماية والأمان والتشفير وإن محدش يقدر يراقبك ويشوف الكلام الليبتكتبه إلِا الشخص اللي انت باعت له. موضوع التشفير ده الناس برا بتاخد بالها منه وبتهتم بيه كويس أوي حتي لو ناس عادية يعني زينامبيقولوش أسرار وهما بيعملوا Chat
ميزة كمان في Telegram إن موضوع الجروبز فيه أكثر تنظيمًا من واتساب لأن أدمن الجروب هو اللي بيتيح مين ممكن يتكلم ومين لأ ودةبيحسّن الدنيا شوية لو جروب شغل مثلا وفيه ناس كتير.
وكمان بيبقى فيه Public Groups ممكن تدخل فيه.
نيجى لل BBM
أيوا هو الـBBM اللي كان أشهر حاجة من كام سنة. آه خلاص مابقاش مشهور زي زمان بس هو لسه موجود. وكمان بقى موجود علي كلالموبايلات من بلاكبيري بس. ولسه بينفع تعمل Add عن طريق الـPin وده بيوفر شوية خصوصية وحرية في اختيار مين تبقى متاح له ومين لأ، غير الواتساب اللي بمجرد إنه عندك، بتتجاب منه على طول.
والمظلوم Hangouts
هو برنامج تبع Google بيبقى موجود علي الموبايلات الـAndroid وممكن ينزل علي أي موبايل تاني عادي. له ميزتين مهمين؛ الأولى: إنه بيظهِر لك الرسايل اللي جت لك علي موبايلك زائد الـChat العادي, وده ممكن يكون لبعض الناس أحسن إن كله يبقى في مكان واحد. التانية: إن ممكنتعمل مكالمة فيديو بين كذا شخص مش إتنين بس, عن طريق الموبايل أو الكمبيوتر.